Norræn samstarfsáætlun á sviði orkumála 2018–2021

摘要

Norrænu orkumálaráðherrarnir kynna hér með nýja norræna samstarfsáætlun á sviði orkumála fyrir tímabilið 2018–2021. Framtíðarsýnin fyrir norrænt orkumálasamstarf felur í sér öflugt, aðlögunarhæft samstarf sem byggir á trausti og og er til þess fallið að þróa norræn orkukerfi í þá átt að tryggja samþættasta og snjallasta græna hagkerfi heims með lágri kolefnislosun, mikilli samkeppnishæfni og afhendingaröryggi. Á tímabilinu 2018–2021 verða eftirtalin svið í brennidepli í samstarfinu: • Framþróun hins norræna raforkumarkaðar • Endurnýjanlegir orkugjafar • Aukin orkunýtni • Upplýsingaskipti og samráð um stefnu norrænu landanna í orkumálum • Orkurannsóknir og nýsköpun á vettvangi Norrænna orkurannsókna• Norðurlönd í Evrópu, þ.m.t. framkvæmd Orkubandalags ESB • Grannsvæði Norðurlanda, einkum Eystrasaltsríkin • Orkutengd samgöngusjónarmið• Orkugeirinn á Álandseyjum, í Færeyjum og á Grænlandi • Aðrar þverlægar áætlanir og verkefni og alþjóðlegt samstarf